Alifбо ислоҳоти — 4 та ҳарфнинг янги шакли лойиҳаси эълон қилинди

Ўзбек алифбосида 4 та ҳарфнинг янги шакли лойиҳаси эълон қилинди. Бу ҳақда ЎзА хабар берди.

Унга кўра, 5 июль куни Шавкат Мирзиёев тошкентлик сайловчилар билан сайловолди учрашувида “зиёлиларимиз, кенг жамоатчилигимиз билан бамаслаҳат, лотин ёзувига асосланган алифбомизни такомиллаштириш бўйича ишларни якунига етказишимиз зарур” дея таъкидлаган эди.

Айни дақиқаларда Алишер Навоий номидаги Тошкент давлат ўзбек тили ва адабиёти университетида “Лотин ёзувига асосланган ўзбек алифбосини такомиллаштириш масалаларига бағишланган республика илмий-назарий конференция” бўлиб ўтмоқда. Конференцияда таклиф сифатида Ишчи гуруҳ томонидан 28 та ҳарф, 1 та ҳарфлар бирикмаси ва тутуқ белгисидан таркиб топган такомиллаштирилган алифбо лойиҳаси эълон қилинди. Бу ҳақда ЎзА мухбири хабар бермоқда.

Бунда қуйидаги 4 та ҳарф шаклини бир оз ўзгартириш таклиф этилмоқда:

• O‘ — Õ õ
• G‘ — Ğ ğ
• Ch — С с
• Sh — Ş ş

Конференция иши давом этмоқда.

Аввалроқ филология фанлари доктори, профессор Бахтиёр Менглиев лотин алифбосидаги ислоҳотларга қарши чиқиб, “хатони тузатиш хатодан қимматга тушмаслиги керак”лигини айтганди. Адлия вазирининг давлат тили масалалари бўйича маслаҳатчиси Шаҳноза Соатова Менглиевнинг бу борадаги фикрларига жавоб қайтариб, тўртта ҳарфнинг ўзгаришини миллат тинчлигини бузиш деб баҳоламасликни сўраган.