Футбол бўйича Осиё Чемпионлар Лигаси гуруҳ босқичининг 1-турида “Навбаҳор” 18 сентябрь, душанба куни “Ал-Ҳилол”га қарши баҳс олиб борди.
Учрашувнинг биринчи бўлимида дарвозалар дахлсизлиги сақланиб қолди. Иккинчи бўлимда эса наманганликлар рақиб жарима майдони томон ҳужумларни бошлади ва 52-дақиқада Тома Табатадзе ҳисобни очди.
Ўйинга қўшиб берилган 11-дақиқада Булайҳи қанотдан узатилган тўпни боши билан дарвозага жойлаб қўйди. Шу тариқа учрашув 1:1 ҳисобидаги дуранг натижа билан якунланди.
D гуруҳининг иккинчи ўйинида “Нассажи Мозандарон” “Мумбаи Сити”ни 2:0 ҳисобида таслим этди.
ОЧЛ
1-тур баҳси
18 сентябрь, душанба
“Ал-Ҳилол” – “Навбаҳор” 1:1
Гол: 0:1 — 52 Табатадзе, 1:1 — 90+11 Али Ал Булайҳи.
“Ал-Ҳилол”: 21. Муҳаммад Аловаис, 5. Али Ал Булайҳи, 7. Салмон Ал Фараж (28. Муҳаммад Канно, 74), 8. Рубен Невеш, 9. Александар Митрович, 10. Неймар, 12. Ёсир Ал Шаҳрони (16. Носир Ал Давсари, 74), 66. Сауд Абдулҳамид, 77. Малком, 87. Ҳассан Тамбакти, 96. Майкл Делгадо.
“Навбаҳор”: 1. Ўткир Юсупов, 14. Жамшид Болтабоев, 22. Игор Голбан, 10. Жамшид Искандаров, 17. Аброр Исмоилов (21. Темурхўжа Абдухолиқов, 70), 13. Филипп Иванович, 5. Милош Милович, 77. Асадбек Собиржонов (19. Дониёр Абдуманнопов, 53), 91. Тома Табатадзе (31. Лука Чермел, 83), 7. Остон Ўрунов, 6. Иброҳим Йўлдошев (8. Жасур Яхшибоев, 83).
Огоҳлантиришлар: Филипп Иванович (28), Неймар (60)
Изоҳ (0)