Футбол бўйича Осиё Чемпионлар Лигаси гуруҳ босқичи 1-туридан ўрин олган ўйинлар бўлиб ўтди.
18 сентябрь кунги баҳсларда “Насаф”, “Навбаҳор” ва “ОКМК” мусобақадаги иштирокини бошлади. Учала клуб бош мураббийлари ўйиндан сўнг матбуот анжуманида иштирок этди.
Бугун биз Осиёнинг энг кучли жамоаларидан бирига қарши ўйнадик. Биз бугунги ўйинга рақибимиз - “Ал-Ҳилол”дан келиб чиққан ҳолда тактика танладик. Албатта, охирида ўтказиб юборилган гол кайфиятга таъсир қилади. “Ал-Ҳилол”га қарши ўйинда вақт чўзиш, бу барча жамоалар учун нормал ҳолат. Футболчиларимиз атайин вақт чўзишмади, жароҳатлари ва толиқиш бунга сабаб бўлди. Нима бўлган тақдирда ҳам керагидан ортиқ 14 дақиқа қўшиб берилди. Ҳужум қилмадик? Ҳужум қилишимизни Наманганда кўрасизлар.
Самвел Бабаян, “Навбаҳор” бош мураббийи
Бугун ғалабани кўзлаб майдонга тушгандик, бунга эришдик. Албатта, осон бўлмади. Иккинчи бўлимнинг 20 дақиқасини ёмон ўтказдик. “Ал-Файсалий” мухлисларига миннатдорчилик билдираман. Улар ўз жамоасини охирига қадар муносиб қўллаб-қувватлади.
Рўзиқул Бердиев, “Насаф” бош мураббийи
“Ал-Иттиҳод” жамоасини ғалаба билан табриклаймиз. Кучли жамоага мағлуб бўлдик. Ўйиннинг бошидаги иккита гол ўйин тақдирини ҳал қилди. Кеча “Ал-Иттиҳод”га қарши очиқ футбол намойиш этиш хато эканлигини таъкидлагандим. Учрашув бошида ўзимизнинг хато билан иккита гол ўтказиб юбордик. Бу баҳс натижасига таъсир қилди. Ҳаёт давом этади, ҳозир бир нима деб айтиб бўлмайди. Бугунги хатоларни қайсидир бир футболчининг бўйнига қўйиш нотўғри бўлади.
Миржалол Қосимов, “ОКМК” бош мураббийи
Изоҳ (0)