Ўзбекистонда 65 нафар бола ўлимига сабаб бўлгани айтилаётган “Док-1 Макс” сиропи бўйича бошланган суднинг 15 сентябрь куни давом этган навбатдаги мажлисида “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКнинг рўйхатдан ўтказиш бўлими собиқ бошлиғи Ш.Ш. ҳам сўроқ қилинди. У суд тергови давомида Ҳиндистоннинг яна бир инспекцион текширувга тушган дорисига раҳбар топшириғига кўра, гувоҳнома бериб юборилганини гапириб берди.
Раҳбарнинг М.Н. исмли ўринбосари хонамга кириб шу ҳақда айтиб, топшириқлигини билдирган. Аниқ эсимда йўқ. Шунда коридордан ўтиб кетаётган биринчи ўринбосар А.А.дан ҳам буни сўраганман. Шунда раҳбар ўринбосарига протоколсиз ҳеч иш чиқмаслигини айтганман. Кейинроқ протоколни кенгаш котиби У.Т. имзоси билан олиб келиб кўрсатган. Бу тергов ҳужжатлари ичида ҳам бор”, — дейди “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКнинг рўйхатдан ўтказиш бўлими бошлиғи бўлиб ишлаган судланувчи.
Судда аниқлаштирилишича, Ҳиндистоннинг Marion Biotech Pvt. Ltd. корхонаси томонидан ишлаб чиқарилган “Кураракс-200”, 400 дориси экспертлар кенгаши томонидан инспексион текширувга тушган.
Судланувчининг қўшимча қилишича, одатда инспекцион текширувга тушган дорига қачонки, текширув ўтказилиб, Кенгаш томонидан рухсат берилгач, гувоҳнома расмийлаштириб берилиши лозим бўлади. Бироқ, ушбу дорига инспекцион текширувга тушса-да, текширув ўтказилмасдан гувоҳнома берилган.
Бу ҳақда тергов ҳужжатларида шундай дейилади: Marion Biotech Pvt. Ltd компаниясининг “Кураракс-200”, 400 препарати экспертлар кенгаши қарорига асосан ишлаб чиқарувчи заводда инпекцион текширув ўтказилмаган бўлса-да, белгиланган тартибга зид равишда рўйхатга олиниб, 34-55 кун ўтганидан кейин расмийлаштириб берилган”
Аввалроқ ушбу судланувчи “Кураракс-200”, 400 дорисини рўйхатдан ўтказиш учун ҳиндистонликдан унга 33 минг пора олиб берилгани ҳақидаги саволга жавобан пул олмаганини билдирганди. Ва бу айбловни рад этганди.
Изоҳ (0)