Ўзбекистон Кубоги. “Насаф” “Турон” устидан иродали ғалабага эришиб, ярим финалга йўл олди 

Футбол бўйича Ўзбекистон Кубоги чорак финалида “Насаф” ва “Турон” жамоалари 2 сентябрь, шанба куни ўзаро баҳс олиб борди.

Учрашувнинг 17-дақиқасида Рустамхон Азимов “Турон”ни ҳисобда олдинга олиб чиқди. 76-дақиқада эса Ойбек Бозоров мувозанатни тиклади. Ўйин якунланида эса Ғолиб Ғайбуллаев қаршиликларга ғалаба келтирувчи гол муаллифига айланди. Шу тариқа Рўзиқул Бердиев жамоаси ярим финалга йўл олди.

Дастлабки чорак финал баҳсида “Динамо” “Олимпик” устидан зафар қучиб, ярим финал йўлланмасини ҳал қилганди. 

Ўзбекистон Кубоги

2 сентябрь, шанба

“Турон” – “Насаф” 1:2

Голлар: 1:0 — 17 Рустамхон Азимов, 1:1 — 76 Ойбек Бозоров, 1:2 — 90+3 Ғолиб Ғайбуллаев.

“Турон”: 35. Раҳимжон Давронов, 2. Абдулазизхон Абдурашидов, 3. Акбар Абдирасулов, 4. Аслиддин Тоштемиров, 9. Рустам Азимов, 14. Хуршидбек Мухторов, 17. Нодирбек Мукаров, 18. Абдуғани Камолов, 21. Азамжон Алиев, 40. Абега Энянг Нгу, 88. Сардор Садуллаев. 

“Насаф”: 35. Абдувоҳид Неъматов, 5. Ғолиб Ғайбуллаев, 7. Акмал Мозговой, 8. Зафармурод Абдираҳматов, 9. Жавоҳир Сидиқов (19. Матеус Лима 46), 17. Суҳроб Нуруллоев, 34. Шерзод Насруллаев, 70. Жамбули Жигаури, 77. Ойбек Бозоров, 88. Марко Станоевич, 92. Умарбек Эшмуродов.