Молиявий аҳволи ҳавас қилса арзигулик эканига қарамай, пулларни ҳавога совурмайдиган ва оддий ҳаёт кечиришни афзал кўрадиган машҳурлар ҳақида маълумот бериб ўтамиз.
Билл Гейтс
Дунёнинг энг бадавлат кишиси бўлишига қарамай Билл Гейтс оддий ҳаёт кечиришни маъқул биладиганлардан. Миллиардер эканига қарамай, бургер сотиб олиш учун навбатда турган Гейтснинг сурати бир неча дақиқалар ичида ижтимоий тармоқларга тарқалиб, кун мавзуси бўлган. Аммо бу Microsoft асосчиси атрофдагиларга яхши ўрнак бўлган ягона ҳолат эмас.
“Мен ҳар куни кечаси идиш юваман. Бу ишга даъво қилувчилар етарлича, аммо ўзимга бу ишнинг уддасидан ҳаммадан яхшироқ чиқаётгандек туюлади”, — дейди у.
Сара Мишель Геллер
Актриса оддий ҳаёт кечириши билан яхши маълум. Умумий даромади 30 миллион долларни ташкил қилишига қарамай, Сара ҳар бир чақанинг қадрига етади ва ўйлаб ишлатади.
“Нархнинг арзонлиги сифатнинг ёмонлигини билдирмайди. Яна мен ҳамиша купонларни кесиб оламан”, — дейди у.
Киану Ривз
Киану ҳам камтарлик борасида ҳамкасбларидан қолишмайди: жамоат транспортидан фойдаланади, уй сотиб олмайди, оддий кийим кияди, кўп вақтини меҳмонхонада ўтказади ҳамда йўл бўйидаги кафелардан гамбургер истеъмол қилади. Актёр таржимаи ҳолидаги энг таъсирли воқеа – бу уйсиз одамнинг ёнида ўтказган куни эди. Киану уни гамбургер ва ичимлик билан меҳмон қилиб, суҳбатлашган. Шу тарзда актёр юлдузлик касалига чалинмаганини яна бир бора исботлаган.
Женнифер Лоуренс
Маҳсулотларни чегирма билан сотиб олишга ёрдам берадиган купонлардан фойдаланадиган яна бир юлдуз. Женнифер ҳеч қачон меҳмонхона барларидан буюртма қилмайди. Чунки нархлар дўконга нисбатан анча қимматлигини билади. У кўпроқ чегирмалар излаб, дўкон айланади, Ikea компаниясига мебеллар буюртма қилади ва бир неча йил аввал сотиб олган Volkswagen машинасини бошқаради.
Кира Найтли
38 ёшли Кира ҳар йили ўзининг харажатлари учун маълум суммани белгилайди. Масалан, 2020 йилда бу 50 минг долларни ташкил этган. Бундан ташқари, унинг турмуш ўртоғи Жеймс Райтон билан ҳам никоҳ тўйи жуда камтарона тарзда нишонланган. Кира тўйда кийган оқ либосини кейинчалик бошқа тадбирларда ҳам кийганини кўриш мумкин.
Сара Жессика Паркер
Сара ёшлигиданоқ пул тежашга одатланган. Ўқитувчи ва юк машинаси ҳайдовчиси оиласида қиммат нарсалар ҳақида ўйлаш имконияти йўқ эди. Машҳур актриса ҳанузгача даромадининг ҳар бир чақасини тежайди ва фарзандларини ҳам бунга ўргатади. Шунингдек, у қимматбаҳо ресторан таомларидан кўра, уйда пиширилган овқатларни маъқул кўради.
Изоҳ (0)