2023 йил бошидан бери Украина Ғарб давлатларидан қарийб 30 миллиард доллар молиявий ёрдам олди. Бу ҳақда Украина бош вазири Денис Шмигал ҳукумат йиғилишида маълум қилди.
“Ҳамкорлар билан ишлаш туфайли биз аллақачон Украинани қўллаб-қувватлаш учун деярли 30 миллиард доллар йиғишга муваффақ бўлдик”, — деди у.
Аввалроқ Шмигал 2023 йилда Украина бюджетининг ҳарбий харажатлари 48,7 миллиард долларга етиши ҳақида хабар берган эди.
Украинанинг 2023 йилги бюджети рекорд даражадаги 38 миллиард доллар дефицитга эга. Президент Владимир Зеленский Ғарб Киевга бюджет тақчиллигини қоплашда ёрдам беришига умид билдирди.
Изоҳ (0)