Узум экотизими, “Kapitalbank” АТБ ва ОНА жамоат фонди мамлакат бўйлаб 1300 нафар болага янги ўқув йилига тайёрланишга ёрдам беради

Янги ўқув йили арафасида Узум экотизими, “Kapitalbank” АТБ ва ОНА жамоат фонди мамлакат бўйлаб кўп болали ва кам таъминланган оилалар фарзандларига 1300 та рюкзак ва канселярия моллари тўпламини тақдим этди. 

Қўшма хайрия лойиҳаси доирасида мамлакатнинг барча 14 ҳудудларида — Нукусдан Намангангача бўлган кўп болали ва кам таъминланган оилалар фарзандлари ёрдам олади. Тўпламларга барча зарур нарсалар киритилган: дафтарлар, ручкалар, қаламлар, фломастерлар, бўёқлар, пеналлар, тциркуллар ва чизғичлар, альбомлар ва рюкзаклар. 

— Бугун Узум жамоаси билан биргаликда келажак сервисларини қурмоқдамиз ва албатта, бутун мамлакат бўйлаб болалар учун яхшироқ келажак қуришга интиламиз, — дейди Узум операцион директори Роман Лаврентев. — Янги ўқув йили арафасида биз Uzum Market жамоаси билан биргаликда 1300 та тўплам йиғдик ва ўз логистикамиз билан уларни бугунги кунда Uzum Market тарқатиш пунктлари фаолият юритаётган барча шаҳарларга жўнатдик. Кўп йиллар давомида Ўзбекистон бўйлаб оилаларга ёрдам бериб келаётган ҳамкасбларимиз — “Kapitalbank” АТБ ва ОНА жамғармасининг кўмаги билан биз бутун мамлакат бўйлаб мингдан ортиқ оилаларнинг ҳаётини бир оз осонлаштира оламиз. 

— Фарзандларни янги ўқув йилига тайёрлаш ҳар доим харажатлардир, афсуски, кўп болали ва кам таъминланган оилалар учун бу қийин бўлиши мумкин, — дейди ОНА жамғармаси Васийлик Кенгаши аъзоси Ширин Жанибекова. — Узум ва “Kapitalbank” АТБ компаниялари бутун мамлакат бўйлаб оилаларга кўрсатган улкан ёрдами ва қўллаб-қувватлаши учун миннатдормиз. Бу бизнинг биринчи эмас, ва, албатта, охирги эмас қўшма лойиҳамиз. Болалар бизнинг келажагимиздир ва бугунги кунда улар қандай имкониятларга эга бўлишлари фақат сиз ва бизга боғлиқ. Жамғарма лойиҳаларига ҳар ким ёрдам бериши мумкин, масалан, миллий маркетплецнинг тарқатиш пунктларидан буюртмаларни олиш пайтида — ёрдам йиғиш қутиларимиз аллақачон Тошкентдаги Uzum Market буюртмаларини тарқатиш пунктларида ўрнатилган.

— “Kapitalbank” АТБ кўп йиллар давомида ўзбекистонликларнинг фаровонлигини оширишга қаратилган хайрия лойиҳаларини қўллаб-қувватлаб келмоқда ва, албатта, билим — келажакдаги ғалабалар учун асосдир, — дэйди “Kapitalbank”АТБ бошқаруви раиси Кирилл Майевский. — Умид қиламизки, чиройли ўқув қуроллари болалар келажакда муваффақият қозонишлари учун фойдали бўлган янги билимларни олиш учун рағбат бўлади. 

Олдинроқ Узум ва ОНА ҳамкорлик меморандумини имзоладилар. Унинг доирасида жамғарма маблағ йиғиш ва хайрия лойиҳаларини амалга ошириш учун компания инфратузилмаси ва ресурсларидан фойдаланиши мумкинлиги айтиб ўтилган.

Шериклик ҳуқуқи асосида