Тошкент вилояти ҳокимлиги янги қимматбаҳо машина харид қилгани ҳақида ижтимоий тармоқларда хабарлар тарқалди. Ҳокимлик матбуот хизмати мазкур хабарларга муносабат билдирди.
Унга кўра, бу ҳақиқатга тўғри келмайди, Тошкент вилояти ҳокимлиги янги автомобиль харид қилмаган. Шунингдек, яқин орада янги автомобиль харид қилиш ҳам режалаштирилмаган.
Ўзбекистон Маданият вазирлиги 15 дона Isuzu NPR 75Л-К русумли юк транспортлари сотиб олиши ҳақида хабар берилган эди. Вазирлик бошланғич нархи 543 миллион бўлган транспорт воситалари учун жами 8,1 миллиард сўм ажратади.
Ушбу фургонлар президентнинг 2022 йил 2 февралдаги ПҚ-112-сон қарорининг 5-иловасига асосан сотиб олиниши белгиланган. Мазкур транспорт воситалари Ўзбекистон давлат мусиқали комедия театри, Ёш томошабинлар театри ва вилоятлардаги бошқа қатор театрлар учун мўлжалланган.
2022 йилда Маданият вазирлиги салкам 16 миллиард сўмга 2 та махсус автомобиль харид қилгани ҳақида хабар берилганди. 2023 йил апрелда эса вазирлик харид қилган мазкур автомобиллар намойиш этилди.
Хабарга кўра, ушбу махсус автомобиль Марказий Осиёда ягона ҳисобланади. Бундай замонавий автотранспорт воситасини тайёрлаш имконияти бўйича хорижий давлатлар ўрганилгани ва энг маъқули сифатида Хитой танланиб, вазирлик томонидан ОМДМ ва Huayuan компанияси билан музокара олиб борилган эди. Музокара хулосасига кўра, ОМДМ компанияси томонидан 873 минг доллар, Олмаота шаҳридаги Kazakhstan мусиcал течнологиэс филиали томонидан 900 026 доллар таклифи (битта махсус автотранспорт воситаси хариди учун) билдирилган.
Изоҳ (0)