Ўзбекистонга ҳафтанинг иккинчи ярмида салқин ҳаво кириб келади

Иш ҳафтасининг охиригача Ўзбекистон бўйича ўртача иссиқ об-ҳаво бўлиши кутилмоқда, деб хабар берди “Ўзгидромет”.

Прогнозларга кўра, 21—25 август кунлари Ўзбекистон ҳудудининг катта қисмида ҳаво кам булутли бўлади, ёғингарчилик кутилмайди. Фақат 21 август куни кундузи республиканинг шимоли-ғарбий ҳудудларида баъзи жойларда ва 22—24 август кунлари айрим тоғли ҳудудларда қисқа муддатли ёмғир ёғиши, момақалдироқ бўлиши мумкин.

Ҳаво ҳарорати асосан кечалари 18-23 даража, кундузи 21 августда 34-39 даража, 22—23 августда 32-37 даража, 24—25 августда 34-39 даража бўлади.

Ўзбекистоннинг шимоли-ғарбий ҳудудларига 25 август куни Волга бўйи ҳудудларидан салқин ҳаво массаси тарқала бошлайди. Қорақалпоғистон Республикаси ва Хоразм вилоятида кундузги ҳарорат 30-35 даражагача пасаяди.

20 августда шимолда ва чўл ҳудудларда баъзи жойларда шамол тезлиги 15-20 метр/секундгача кучайиши, айрим жойларда чанг-тўзон билан кузатилиши мумкин.

Тошкентда ҳаво кам булутли бўлади. Кундузги ҳарорат 25 августда 37-39 даража, 22—25 августда 34-37 даража бўлади. Ҳарорат кечалари 19-22 даража атрофида бўлади.