Тошкентнинг қатор ҳудудларида куз-қиш мавсумига тайёргарлик доирасида электр энергияси таъминоти қисман тўхтатилади. Бу ҳақда “Ҳудудгаз Пойтахт” матбуот хизмати хабар берди.
Қайд этилишича, 18 август куни Яккасарой ва Мирзо Улуғбек туманлари газ таъминоти тизимида таъмирлаш ва созлаш ишлари олиб борилади. Шу муносабат билан баъзи маҳалла ва кўчаларда вақтинча газ таъминоти тўхтатилади.
- Яккасарой тумани: “Бошлиқ” МФЙнинг айрим кўчаларида соат 09:00 дан 15:00 гача;
- Мирзо Улуғбек тумани: “Подшобоғ” МФЙнинг айрим кўчаларида соат 10:00 дан 15:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.
Шунингдек, таъмирлаш ишлари туфайли 18 август куни соат 10:30 дан 17:45 гача Олмазор туманининг “Чаманбоғ” маҳалласига табиий газ етказиб бериш вақтинча тўхтатилади.
- Аҳоли истеъмолчилари: 360 та ерли хонадонлар ва 7 та кўп қаватли уйлар;
- Улгуржи истеъмолчилари: 7 та.
Юзага келаётган ноқулайликлар учун газ таъминоти филиали истеъмолчилардан узр сўрайди.
Бундан олдин Ўзбекистонда 2023 йилнинг 6 ойида электр энергиясидан ноқонуний фойдаланиш туфайли 78,5 миллиард сўм, табиий газдан ноқонуний фойдаланиш сабабли эса 231 миллиард 866 миллион сўм зарар кўрилгани тўғрисида хабар берилганди. Июль охирларида Яшнобод, Олмазор, Миробод, Яккасарой, Шайхонтоҳур, Чилонзор ва Сергели туманларининг баъзи ҳудудларида юклама сабаб электр энергияси таъминотига вақтинча чекловлар киритилган эди. Август бошларида эса Тошкентнинг қатор туманларида электр, иссиқ сув ва газ таъминотлари вақтинча тўхтатилган.
Изоҳ (0)