Эрдўғон ва Путин август охири – сентябрь ойи бошида дон битимини қайта тиклаш бўйича учрашиши мумкин. Бу ҳақда “А haber” телеканали маълум қилди.
Телеканалга кўра, Туркия раҳбари ҳамон Россия президентининг Туркияга келишини кутмоқда. Бироқ Путин Туркияга келмаса, Эрдўғон Россияга сафар уюштириши мумкин.
“А haber” музокараларнинг асосий мавзусини Россия 18 июль куни келишувлар бўйича ўз талаблари бажарилмагани сабабли чиқиб кетган ғалла битимини қайта тиклаш деб атаган.
Россия ва Туркия президентлари 2 август куни телефон орқали мулоқот ўтказди ва унинг давомида улар эҳтимолий учрашувга тайёргарлик кўришга келишиб олдилар. 4 август куни Эрдўғон журналистларга Путиннинг Туркияга ташрифи эҳтимоли ҳақида гапирди. Унинг сўзларига кўра, ташрифнинг аниқ санаси ҳозирча белгиланмаган ва дипломатик каналлар орқали келишиб олинади.
3 август куни Россия давлати раҳбари матбуот котиби Дмитрий Песков Россия ва Туркия президентларининг учрашуви жойи ва аниқ санаси дипломатик каналлар орқали келишиб олинишини маълум қилди.
“А haber”, шунингдек, Эрдўғоннинг 20 август куни Венгрияга ташриф буюришини маълум қилди. Туркия президенти 9—10 сентябрь кунлари G20 саммитида иштирок этиш учун Ҳиндистонга келади.
Бундан ташқари, Туркия раҳбарининг БМТ Бош Ассамблеяси тадбирларида иштирок этиш учун 17—21 сентябрь кунлари АҚШга сафари режалаштирилган.
Изоҳ (0)