Саудия Арабистонида шанбадан якшанбага (5-дан 6 августга) ўтар кечаси ҳаво ҳарорати 57,8 даражага етди, бу эса инсон ҳаёти учун чидаб бўлмас даража ҳисобланади. Бу ҳақда Myradar об-ҳаво иловаси асосчиси Колин Маккарти маълум қилди.
Саудиянинг Даҳран шаҳрида ярим тунда ҳарорат 57,8 даражага етган.
“Мазкур юқори иссиқлик индекси инсоннинг омон қолиш чегарасига яқин”, — дейди Маккарти.
Илгари энг юқори иссиқлик даражаси қаерда кузатилган?
51,6 даражадан юқори иссиқлик инсон ва ҳайвонлар ҳаёти учун жуда хавфлидир. АҚШ Миллий об-ҳаво хизмати маълумотларига кўра, 2003 йил 8 июлда Саудия Арабистонининг Даҳран шаҳрида қайд этилган энг юқори иссиқлик индекси 81,1 даражани ташкил қилган.
Аввалроқ Бирлашган Араб Амирликлари (БАА) аҳолиси ва меҳмонлари ёзнинг аномал жазирамасига гувоҳ бўлганди. Июль ойида Абу-Дабида ҳарорат деярли 50 даражага чиққан.
Изоҳ (0)