Фарғона шаҳрида такси ҳайдовчиси ва фуқаро ўртасидаги жанжал ортидан уч нафар ИИО ходими эгаллаб турган лавозимидан бўшатилди. Бу ҳақда вилоят ИИБ матбуот хизмати хабар берди.
Маълум қилинишича, ИИО ходимларининг хатти-ҳаракатлари юзасидан тайинланган хизмат текшируви якунига кўра, ўз хизмат вазифасини лозим даражада бажармагани учун Фарғона вилояти ИИБ патрул-пост хизмати отряди сафдор ходимлари V.Н., Э.П ҳамда гуруҳ командири капитан З.О. эгаллаб турган лавозимидан бўшатилди.
Шунингдек, Жамоат хавфсизлиги хизмати жамоат тартибини сақлаш бошқармаси патрул-пост хизмати батальон командири Ҳ.С.га нисбатан ҳайфсан интизомий жазоси қўлланилди.
Жанжал 1 август куни содир бўлганди. Фуқаро Ш.С. Yandexъга такси буюртма қилган ҳамда буюртмани мазкур фирма ҳайдовчиси I.Р. қабул қилиб, Cobaltъда С.Ш. турган кўчага етиб келган. Бироқ, фуқаро Ш.С. ҳайдовчининг телефон аппарати ўчиб қолгани ва унинг қўнғироғига жавоб бермаганидан жаҳли чиққан ва у билан ўзаро жанжаллашиб, машинасига ғишт отиб, шикастлаган. Жанжал содир бўлган жойда ички ишлар ходимлари ҳам бўлган ва улар вазиятни бартараф этиш бўйича қатъий чора кўрмаганди.
Ҳолат юзасидан Жиноят кодексининг 277-моддаси (безорилик) 3-қисми билан жиноят иши қўзғатилган, фуқаро Ш.С. тегишли тартибида ушланган. Мулкка етказилган моддий зарар миқдорини аниқлаш бўйича тегишли тартибда экспертиза тайинланган.
Изоҳ (1)
буям кам, яна бошқармани номини қаренг.... "Jamoat xavfsizligi xizmati jamoat tartibini saqlash boshqarmasi" эмиш..... буларни духи қўённикиданам пастку.... "ҚЎЁН ЮРАКЛАР"