Қирғизистон президенти Садир Жапаровнинг жияни Улан Жапаровни ҳибсда сақлаш муддати узайтирилди. Бу ҳақда 24.kg хабар берди.
Ички ичлар вазирлиги терговчиси тегишли илтимоснома билан Бишкекнинг Первомайский туман судига мурожаат қилган.
“Суд терговчининг илтимосномасини қаноатлантирди. Улан Жапаров 26 сентябргача пойтахтдаги 1-тергов изоляторида сақланади”, — дейилади хабарда.
Садир Жапаровнинг жияни нега ҳибсда?
Қирғизистон президентининг қариндоши коррупция бўйича 6 июль куни ҳибсга олинди. Мазкур ҳолат юзасидан Ички ишлар вазирлиги ҳузуридаги тергов хизмати томонидан тергов ҳаракатлари олиб борилмоқда. Маълумотни Қирғизистон президенти матбуот хизмати раҳбари Дайирбек Орунбеков ҳам тасдиқлаган.
“Садир Жапаров аввалроқ таниш-билиш ва қариндош-уруғлигидан қатъи назар, ҳар ким ўз қилмиши учун қонун бўйича жавоб бериши ҳақида огоҳлантирганди”, — деган Орунбеков.
Қирғизистон президенти қариндоши ҳибсга олинишига изоҳ берди
Садир Жапаров жияни ҳибсдалигига муносабат билдирар экан, “ҳаммага бирдек муносабатда бўлиш керак”, деб таъкидлади. Агар бирор киши коррупцияга алоқадор бўлса, у ким бўлишидан қатъи назар, қамоққа олиниши кераклигини билдирди.
“Давлатга икки баробар зарарни қоплаганингдан кейингина озод этиласан. Тўламасанг, кетолмайсан. У менинг укам, деб жиноятчини қўлга олишига йўл қўймасам, бошқа ака-укалар ҳам аралаша бошлайди. Қирғизларда яхши ибора бор: Бирнинг жазоси мингга сабоқ. Бу менинг изоҳим”, — деди Жапаров.
Изоҳ (0)