“Бриджит Жонснинг кундалиги” фильми юлдузи Рене Зеллвегер ва телебошловчи Ант Энстид унаштирилди ва тўйга тайёргарлик кўрмоқда, деб ёзмоқда “Правила жизни” нашри.
Жуфтликнинг яқин дўсти ҳозирча улар ҳамма нарсани сир сақлашга ҳаракат қилишаётгани ҳақида сўзлаб берган, бироқ тез орада ҳаммаси оммага эълон қилинади.
“Рене ўзининг яқин инсонларига тўйини ўтказиши ҳақида гапириб берди, ҳаммаси жуда эҳтиёткорлик билан бўлади”, — дейди жуфтликнинг дўсти.
Унинг сўзларига кўра, жуфтлик бу кунни интиқлик билан кутмоқда. “Актрисанинг Ант билан муносабатлари жуда кучли, улар бир-бирларини телбаларча севиб қолган ва турмуш қуришни сабрсизлик билан кутмоқда”, — дейилади манбада.
Маълумот учун, америкалик актриса 1969 йилнинг 25 апрель санасида АҚШнинг Техас штатида туғилган. Кети ўрта мактабда ўқиётганда гимнастика билан шуғулланган ва драма тўгарагига қатнашган. У икки марта “Оскар”, тўрт марта “Олтин глобус” мукофотини қўлга киритган. Актриса Голливуддаги “Шон-шуҳрат хиёбони”да ўз юлдузига эга. Рене фаолияти давомида “Бриджит Жонснинг кундалиги”, “Жерри Магуэйр”, “Чикаго”, “Нокдаун” ва бошқа кўплаб фильмларда суратга тушган. У Ант Энстид билан 2021 йилнинг ёзида учраша бошлаган.
Изоҳ (0)