Ўзбекистон ва яна олти давлат биноларнинг энергия самарадорлигини ошириш учун 20 миллион евро олади. Бу ҳақда БМТ ахборот хизмати хабар берди.
Маълумотларга кўра, Бирлашган Миллатлар Ташкилотининг (БМТ) Европа иқтисодий комиссияси ҳамкорлар билан биргаликда Шарқий Европа ва Марказий Осиёда қурилиш саноатида энергия самарадорлигини ошириш бўйича йирик лойиҳани ишга туширган. Лойиҳадан кўзланган мақсад ушбу мамлакатларда юқори унумдорликдаги бинолар қурилишини таъминлашдан иборат.
“Лойиҳа ғояси биноларни қуришда фойдаланиладиган материаллар ва жиҳозларнинг энергия самарадорлигини оширишдан иборат. Яъни, биз юқори самарали бино қуриш учун зарур шарт-шароитларни оламиз. Бу қурилиш материаллари ва ускуналарини ишлаб чиқариш, бинонинг қурилиши бошланишидан олдин биринчи босқичда бажарилиши керак бўлган ҳамма нарсани ўз ичига олади”, — деди БМТ ЕИК минтақавий маслаҳатчиси Олег Дзюбинский.
Унинг сўзларига кўра, ҳозирда дастлабки босқич давом этмоқда, унинг доирасида донор учун тўлиқ лойиҳа таклифи ишлаб чиқилиши керак. Лойиҳада иштирок этувчи бенефисиар давлатлар Арманистон, Грузия, Қирғизистон, Молдова, Тожикистон, Украина ва Ўзбекистон ҳисобланади. Донор — Германия; лойиҳани молиялаштириш миқдори деярли 20 миллион еврони ташкил этади. Миқдор иштирокчилар ўртасида тақсимланади.
Изоҳ (0)