Энг кўп рўйхатдан ўтган абитуриентлар сони бўйича Қашқадарё вилояти пешқадамлик қилмоқда.
Бугун, 19 июль соат 20:00 ҳолатига кўра, олий таълим муассасаларига кириш учун 882 913 нафар абитуриент онлайн рўйхатдан ўтди. Бу ҳақда Билим ва малакаларни баҳолаш агентлиги хабар берди.
Маълум қилинишича, энг кўп рўйхатдан ўтган абитуриентлар Қашқадарё вилояти (103 минг 972 нафар) ҳиссасига тўғри келмоқда. Кейинги ўринлардан Самарқанд (99 210 нафар), Фарғона (83 409 нафар), Тошкент (76 884 нафар) ва Сурхондарё (72 883 нафар) вилоятлари жой олган.
Энг кўп абитуриент рўйхатдан ўтган ОТМлар (биринчи таълим йўналишига нисбатан):
- Ўзбекистон миллий университети — 32 630 нафар;
- Фарғона давлат университети — 26 250 нафар;
- Тошкент давлат транспорт университети — 26 136 нафар;
- Тошкент давлат педагогика университети — 25 473 нафар;
- Тошкент ахборот технологиялари университети — 24 936 нафар.
Таълим шакллари бўйича тақлислаганда абитуриентларнинг 530 195 нафари кундузги, 324 213 нафари сиртқи, 21 861 нафари кечки ва 6 644 нафари масофавий таълим шаклига кириш учун ҳужжат топширган.
Маълумот учун, эртага (20 июль) абитуриентларни рўйхатга олиш ниҳоясига етади.
Изоҳ (0)