Италиянинг собиқ бош вазири Силвио Берлускони ўзининг сўнгги маъшуқасига, Марта Фашинага 100 миллион евролик мерос қолдирди.
Берлускони 12 июнь куни вафот этди, у 86 ёшда эди. Апрель ойида касалхонага ётқизилганида, шифокорлар унинг лейкемия билан касалланганини хабар қилган. Сиёсатчи вафотидан кейин Forbes журнали Берлускони бойлиги 7,1 миллиард доллар эканини аниқлади. Бойликнинг асосий қисми оилавий холдингга тўғри келади.
Аввалроқ Италия ОАВ Берлускони улушининг учдан икки қисмини беш болага тенг тақсимлаши мумкинлигини ёзган эди. Шу билан бирга, васиятномага кўра, уни биринчи рафиқаси Карла Элвира Луcиа Далл'Олйиодан туғилган икки катта фарзанди Persilвио ва Марина холдингнинг 53 фоиз улушини олади.
“Васиятдан кўриниб турибдики, Берлускони каби ҳеч ким холдинг устидан ягона назоратга эга бўлмайди”, — дейилади компания баёнотида.
Берлусконининг сўнгги маъшуқаси депутат Марта Фашина 100 миллион евро мерос олади. Худди шундай сумма собиқ бош вазирнинг укаси Паолога ҳам тегади. 30 миллион евро эса Берлусконининг узоқ йиллик ҳамкори бўлган бизнесмен Марселло Делл'Утрига тегишли, деб хабар берди ANSA агентлиги.
Ўтган баҳорда Берлускони Фашина билан рамзий тўй ўтказган эди. Сиёсатчи касалхонага ётқизилганидан кейин 33 ёшли аёл касалхонада у билан 1,5 ой бирга бўлди.
Изоҳ (0)