“Барселона” президенти Хоан Лапорта жамоа Европа Суперлигасини тарк этиш нияти йўқлигини маълум қилди.
“Жамоа шу ерда бўлгани яхши, чунки биз УЕФА ва Суперлига ўртасида боғловчи вазифасини ўтамишиз мумкин”, — дейди Каталон клуби раҳбари.
Эслатиб ўтамиз, “Ювентус” Суперлига лойиҳасини тарк этгач, у ерда “Барселона” ҳамда “Реал” жамоалари қолди.
2021 йилнинг 18 апрель куни 12 клуб (“Манчестер Юнайтед”, “Манчестер Сити”, “Ливерпуль”, “Челси”, “Арсенал”, “Тоттенҳэм”, “Барселона”, “Реал”, “Ювентус”, “Атлетико”, “Интер” ва “Милан”) бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди. Фақат “Реал”, “Барселона” ва “Ювентус” лойиҳани тарк этмаганди. 2023 йил бошида Суперлига қайта тикланиши борасида хабарлар тарқалди.
Изоҳ (0)