Ўзбекистон бўйлаб Марказий Осиёдаги энг катта марафонлардан бири –“Янги Нафас” халқаро оммавий югуриш мусобақаси 25 июнь, якшанба куни старт олади.
Тонгги соат 06:00 да Ўзбекистоннинг 16 та шаҳрида Халқаро Олимпия куни ва Ёшлар куни муносабати билан “Янги Нафас” оммавий югуриш мусобақаси старт олади.
Республика бўйлаб пойгада 50 мингдан ортиқ югурувчи иштирок этади. Шунингдек, мазкур пойгага илк бор Қозоғистон, Қирғизистон ва Тожикистонлик югурувчилар ҳам қўшилади.
Тошкентда “Ҳумо Арена” спорт мажмуаси майдонида “Янги Нафас” марафони бошланади. Иштирокчилар Olympic Day муносабати билан 3 км, 10 км ва 1 мил (1,61 км) масофалардан бирини танлашлари мумкин.
Фарғона, Наманган, Бухоро, Самарқанд, Нукус шаҳарларида икки масофадан бирини танлаш мумкин — 3 км ва 1 мил, Андижон, Гулистон, Нурафшон, Жиззах, Термиз, Навоий, Қоровулбозор, Қарши, Ғузор, Урганч шаҳарларида эса фақат 3 км масофа мавжуд.
Барча шаҳарларда тонгги соат 6:00 да мусобақага старт берилади.
Якшанба куни соат 19:30 дан 21:30 га қадар “Миллий Боғ” истироҳат ва маданият боғида Ёшлар куни ва Olympic Day кунига бағишлаб ўтказиладиган “Янги Нафас” югуриш мусобақаси муносабати билан машҳур ўзбек эстрадаси юлдузлари иштирокида байрам концерти бўлиб ўтади.
Изоҳ (0)