АҚШ Соҳил қўриқлаш хизмати йўқолган “Титан” сувости кемасини қидириш ҳудудида қолдиқлар топилганини маълум қилди. Аммо бу қолдиқлар қайси кемага тегишли экани ҳозирча номаълум.
SkyNews’нинг АҚШ Соҳил қўриқлаш хизматига таяниб хабар беришича, мутахассислар ҳозирда масофадан бошқариладиган аппарат ёрдамида олинган маълумотни ўрганиб чиқмоқда.
“Титан” сувости кемаси 19 июнь куни Атлантика океанида 3,8 километр чуқурликда “Титаник” ҳалокатга учраган ҳудудда радарлардан ғойиб бўлди. Сувости кемаси бортида беш киши бўлган.
Маълумотларга кўра, бугун 22 июнь куни Шимолий Америка вақти бўйича 07:08 да (Тошкент вақти билан 16:08) батискафда кислород етказиб бериш тугаган.
Изоҳ (0)