“Рома” бош мураббийи Жозе Моуриньо 4 та Еврокубок ўйинига дисквалификация қилинди.
Португалиялик мутахассис Европа Лигаси финалидан сўнг (1:1, пенальтилар сериясида 1:4) “расмий шахс” шаънига номақбул сўзларни ишлатгани учун жазоланди.
Эслатиб ўтамиз, Моуриньо ўйиндан сўнг англиялик ҳакам Энтони Тейлорга: “Қандай шармандалик, сизларга уят”, — дея бақирганди.
Матбуот анжуманида эса Моуриньо ҳакамларни “испаниялик” дея атади ва: “Ўйлайманки, бугунги аҳмоқона ишларни бажарган ҳакам Чемпионлар Лигасида қолади ва Европа Лигасини тинч қўяди”, — дея гапириб ўтган.
Қайд этиб ўтиш жоиз, “Рома” мухлислари ўйиндан сўнг аэропортда Тейлор ва унинг оиласи томонга стулларни улоқтирганди.
Изоҳ (0)