Саида Мирзиёева Ангор туманидаги кўзи ожиз болалар учун ихтисослаштирилган “Нурли маскан” мактаб-интернатида ўтказилган мусобақада қатнашди.
Бу ерда Ангор ва Шўрчи туманларидаги кўзи ожиз болалар учун ихтисослаштирилган мактабларнинг 8-11-синф ўқувчилари ўртасида мусобақалар бўлиб ўтди.
“Ҳар сафар шу каби мактаб-интернатлар ўқувчилари билан учрашганимда бу болаларнинг матонати, шижоати, ҳаётга муҳаббати мени ҳайратга солади. Бу ўғил-қизлар – фидойилик намунаси, қийин вазиятда таслим бўлмасликлари билан бошқаларга ўрнак ва уларнинг ҳар бири, шубҳасиз, ҳурматга лойиқдир.
Брейн-ринг иштирокчилари орасида “Кўнгил кўзи” хайрия лойиҳаси доирасида кўзига жарроҳлик амалиёти ўтказилган ва натижада кўриш қобилияти яхшиланган болалар ҳам бор экан. Уларнинг учрашувдан, ўйин завқидан порлаётган кўзларини кўриб, бирга қувондим.
Ана шундай жиддий, кенг кўламли ва керакли лойиҳани амалга оширишни уддалаганимиздан қалбим қувончга тўлди”, — дейди Саида Мирзиёева.
Изоҳ (0)