Коррупцияга қарши курашиш агентлиги амалдорларнинг даромадлари декларация қилинишини назарда тутувчи қонун лойиҳасини ишлаб чиққанди. 2019 йилда ўша вақтдаги Бандлик ва меҳнат муносабатлари тайёрлаган қонун лойиҳасидан фарқли ўлароқ (вазирлик лойиҳаси бўйича, ушбу тартиб 2020 йил 1 январдан жорий этилиши керак эди), агентлик таклиф қилаётган лойиҳада қуйидан тортиб юқоригача бўлган барча мансабдорлар — ҳатто президент ва бош вазир ҳам декларация тўлдириши таклиф қилинган.
Ҳужжат лойиҳаси тақдим этилганига бир неча йил бўлган бўлса-да, ҳалигача амалиётга жорий этилгани йўқ.
Коррупцияга қарши курашиш агентлиги давлат хизматчиларининг даромадлари ва мол-мулкини декларациялаш тизим бўйича жараёнлар қайси босқичда эканлиги ҳақида “Дарё”га маълумот тақдим этди.
Унда айтилишича, 2021 йилнинг август—сентябрь ойларида қонун лойиҳаси Бош прокуратура, ДХХ, ИИВ, ДСҚ, Олий суд, Давлат хизматини ривожлантириш агентлиги, Иқтисодий тараққиёт ва камбағалликни қисқартириш вазирлиги, Молия вазирлиги ва Марказий банки билан дастлабки ва идоравий келишувлардан ўтказилиб, уларнинг таклифлари асосида такомиллаштирилган.
Шундан сўнг, қонун лойиҳаси Норматив-ҳуқуқий ҳужжатлар лойиҳасини ишлаб чиқиш ва келишишнинг ягона электрон тизими (project.gov.uz) орқали Адлия вазирлигига киритилган ва 2021 йил ноябрда Адлия вазирлиги томонидан қонун лойиҳаси қабул қилиниши мақсадга мувофиқлиги тўғрисида ҳуқуқий экспертиза натижалари бўйича хулоса олинган.
Қонун лойиҳаси 2022 йил октябр ойида қонун лойиҳасининг якуний матни бўйича маълумотнома тайёрланиб, Президент aдминистрациясига киритилган.
Мавзуга доир:
Изоҳ (0)