Испаниянинг “Барселона” клуби бош мураббий Хавининг янги шартнома бўйича талабларини қондиришга тайёр эмас.
Cadena SER нашрининг хабар беришича, 43 ёшли мураббий каталония раҳбариятидан солиқлардан ташқари 12 миллион евро талаб қилган.
Хави ва унинг штаби солиқлардан ташқари 30 миллион евро олиши кўзда тутилган.
Ҳозирда испаниялик мураббий ва “Барселона” янги битим борасида келиша олгани йўқ. Хавининг “кўк-анорранглилар” билан амалдаги шартномаси 2024 йилнинг 30 июнида ўз якунига етади.
Хави қўл остида “Барселона” Испания чемпионати ва мамлакат Суперкубогини қўлга киритди.
Изоҳ (0)