Аргентиналик футболчи Лионель Месси фаолиятини “Интер Майами”да давом эттиради. Бу ҳақида футболчининг ўзи маълум қилди.
“Мен “Майами”га ўтишга қарор қилдим. Ҳозирча ишлар тўлиқ якунланмаган, лекин фаолиятимни ўша ерда давом эттиришни танладим.
Агар гап пулда бўлганда эди, мен Саудияга ёки бошқа жойга кетган бўлардим. Лекин умуман бошқа сабабга кўра Америка клубини танлашга қарор қилдим.
“Барселона”га қайтишни хоҳлагандим. Бироқ икки йил аввалги воқеалар такрорланишини ва тақдирим бошқаларнинг қўлида қолиб кетишини истамадим.”, — дейди Лео.
35 ёшли футболчи 2 йиллик фаолиятдан сўнг “ПСЖ” сафини тарк этди. Ундан аввал эса Лео “Барселона” шарафини ҳимоя қилган.
Мессига Саудия Арабистонининг “Ал-Ҳилол” жамоасидан ва Испаниянинг “Барселона” клубларидан таклиф бор эди. Бироқ Лео фаолиятини Америкада давом эттиришга қарор қилган.