Кантонлар кенгаши (Швейцария парламентининг юқори палатаси) Украинага қуролларни реэкспорт қилишга рухсат берувчи қонунга ўзгартириш киритишни маъқуллади. Мазкур қарорни 22 депутат қўллаб-қувватлади, 17 депутат қарши чиқди, 4 нафари бетараф қолди.
Пресс-релизда таъкидланганидек, олинган қуролларни реэкспорт қилмаслик тўғрисидаги декларацияларнинг амал қилиш муддати беш йил билан чекланиши керак. Бошқа шартлар қаторида: мамлакат можарога аралашмайди, инсон ҳуқуқларининг жиддий бузилишига йўл қўймайди, "ўзини ҳимоя қилиш ҳуқуқидан фойдаланмайди".
Эндиликда Швейцария Миллий кенгаши (парламентнинг қуйи палатаси) қонунга ўзгартириш киритишга овоз бериши керак. Февраль ойида ҳам худди шундай ташаббус кўриб чиқилгач, қуйи палата унга қарши овоз берган эди.
Март ойида парламент Европа давлатларига Швейцарияда ишлаб чиқарилган қурол ва ўқ-дориларни Украинага етказиб беришга рухсат бериш таклифини кўриб чиқишни тўхтатди. Ўша ойда парламент аъзолари реэкспорт қоидаларига киритилган ҳар қандай ўзгаришларни кўриб чиқишни май ойига қолдирди. Май ойида профил комиссияси бир қатор шартларга амал қилган ҳолда реэкспорт қилиш мумкин деб ҳисоблаганди.
Изоҳ (0)