“Ғарб Марказий Осиёга гуманитар ва ҳарбий йўл билан кириб боришга ҳаракат қилмоқда” — Сергей Лавров

Россия ТИВ раҳбари Марказий Осиёдаги ҳамкорларни “ғарбликлар ўрнатаётган ҳамкорлик схемаларини танқидий қабул қилишга” чақирди.

“Ғарб давлатлари Марказий Осиё минтақасига гуманитар ва ҳарбий йўл билан кириб боришга ҳаракат қилмоқда”, — деди Россия ташқи ишлар вазири Сергей Лавров.

“Бугун биз Ғарбнинг Марказий Осиёга, жумладан, гуманитар ва ҳарбий соҳаларга зўрлик билан кириб боришга қаратилган қасддан уринишларига гувоҳ бўляпмиз”, — деб қўшимча қилди Россия дипломатияси раҳбари.

Шунингдек, у Ғарб давлатларининг геосиёсий муҳандислари томонидан илгари сурилаётган тараққиётга кўмаклашиш дастурлари, аслида, ўзлари учун Марказий Осиё минтақасининг “сиёсий ва иқтисодий йўналишини назорат қилиш ва қайта форматлаш воситалари” эканлигини таъкидлади.