Нидерландияда компьютердаги носозлик туфайли бир қанча поездлар ҳаракати тўхтаб қолди

Нидерландияда техник носозлик туфайли бир неча йўналишдаги поездлар ҳаракати тўхтатилди. Бу ҳақда  The New York Times газетаси хабар берди.

Аниқлик киритилишича, муаммо мамлакат йўл ҳаракати назорати хизматидаги компьютерларнинг фавқулодда ўчирилиши билан боғлиқ. Ускуналар поездларни кузатиш ва бошқариш учун мўлжалланган.

Нашрнинг ёзишича, носозлик якшанба куни содир бўлган. ПроРаил темирйўл инфратузилмасига хизмат кўрсатиш агентлиги тизимни тузатишга ваъда берганига қарамай, муаммо ҳанузгача ҳал этилмаган.

“Бугун эрталаб Амстердамга ҳам, Амстердамдан ҳам поездлар қатнамайди. Мактабга ёки ишга бориш учун муқобил транспортдан фойдаланиш тавсия этилади”, — дея ПроРаил компанияси баёнотида иқтибос келтирди The New York Times нашри. 

Ҳозирча муаммо қанча вақтда ҳал бўлиши маълум эмас.