Голливуднинг машҳур жуфтлиги Бен Аффлек ва Женнифер Лопес 60 миллион долларлик, катта майдонга эга уйни сотиб қолди. Жуфтликка уйни топиш учун деярли икки йил керак бўлди.
Машҳурлар ўзлари истагандек уйни топишига кўп вақт керак бўлди, чунки улар нафақат ўзларининг афзалликларини ҳисобга олишга ҳаракат қилди, балки меросхўрларининг қулай шароитда яшашини ҳам ўйлади. Женнифер Лопес ҳар доим ўзининг ва Беннинг аввалги турмушидан бўлган болалари улар билан яшашини таъкидлайди. Жуфтликнинг беш нафар фарзанди Беверли-Хиллздаги 4300 квадрат метр майдонга эга янги уйга жойлашади. Уйда 12 та ётоқхона ва 24 та ҳаммом ҳам бор.
Ҳудудда асосий уйдан ташқари хизматчилар ва қўриқчилар учун уйлар, меҳмонлар учун уй, 12 та машинага мўлжалланган гараж мавжуд. Уйдан унча узоқ бўлмаган жойда 80 та ўринга эга қўшимча автотураргоҳ бор – у ерда катта зиёфатлар ҳам бўлиб ўтади.
Уйнинг майдони шунчалик каттаки, Бен ва Жен у ерда нафақат маданий тадбирларни, балки бутун Олимпия ўйинларини ҳам ўтказиши мумкин. Бунинг учун катта ёпиқ спорт мажмуаси лойиҳалаштирилган бўлиб, у ерда баскетбол майдони, пиклбол майдони, бокс ринги, спорт зали, лаунч майдони ва бар мавжуд.
Ушбу уй 2018 йилда сотувга қўйилган ва 135 миллион долларга баҳоланган. Пандемиядан кейин харажатлар деярли икки бараварга қисқариб, уйнинг нархи 75 миллион долларга туширилди. Машҳур жуфтлик уйни сотиб олиш учун ундан ҳам камроқ, яъни 60,9 миллион доллар тўлади.
Изоҳ (0)