Ўзбекистонда 819 нафар хотин-қиз орасида ўтказилган тадқиқот хулосасига кўра, мамлакатда хотин-қизларнинг 85 фоизи ўзини бахтли деб ҳисоблайди.
Бу ҳақда АОКАда ўтказилган брифингда “Оила ва хотин-қизлар” илмий-тадқиқот институти Ахборот хизмати раҳбари Манижа Баҳриева маълум қилди. Оила ва хотин-қизлар илмий-тадқиқот институти томонидан 2023 йилнинг февраль—апрель ойларида “Хотин-қизларнинг ҳаётий мақсадлари, қадриятлари ва йўналишлари” мавзусида республиканинг 6 та ҳудудида 18 ёшдан 55 ёшгача бўлган 819 нафар хотин-қизлар орасида социологик тадқиқот ўтказилди.
Хотин-қизлар ўзлари учун аёл бахтининг асосини оилаларнинг тинчлиги, фаровонлиги, мустаҳкамлиги, фарзандларнинг борлиги, оиладаги самимий муносабатларда ва яқин инсонларнинг ўзаро ғамхўрлигида, деб ҳисоблайди. Қишлоқ ҳудудларида яшовчи аксарият хотин-қизлар ўзларини, энг аввало, она (40,9 фоиз) ва рафиқа (27,3 фоиз) сифатида баҳолайди.
Сўровномада иштирок этган хотин-қизларнинг 68,3 фоизи инсон саломатлигининг қадрини устун қўйсада амалда 16 фоиз респондент уни биринчи ўринга қўймаслиги аниқланди.
Изоҳ (0)