Ўзбекистонда янги — 400 минг сўмлик банкнота расми ижтимоий тармоқларда тарқалмоқда. Мазкур хабарлар юзасидан Марказий банк маълумот берди.
Унга кўра, ижтимоий тармоқларда тарқалиб, муҳокамаларга сабаб бўлаётган 400 минг сўмлик купюра ҳақидаги хабарлар ҳақиқатга тўғри келмайди. Ушбу суратда 100 минг сўмлик купюра дизайнини кўриш мумкин. Марказий банк ахборот хизмати раҳбари агар янги банкнота чиқарилса, расмий эълон қилинишини таъкидлади.
2021 йилда Ўзбекистонда муомалада бўлган 7 та банкнотадан 6 таси янгиланган. Хусусан, 2021 йилнинг 27 декабридан 50 000 ва 100 000 сўмлик, 14 июнидан 2000 ва 20 000 сўмлик, 26 августидан 5 минг ва 10 минг сўмлик банкноталар янги кўринишда муомалага чиқарилди.
2022 йил июнь ойида Марказий банк миллий валюта — сўм рамзини эълон қилди. Бироқ сўм рамзи жамоатчилик томонидан норозиликларга учради.
Изоҳ (1)
1 million lik pul chiqsa dollar damini oladi