Қирғизистонда чорва молларига солиқ жорий этилиши мумкин. Депутат Женишбек Токторбоевнинг қонун лойиҳаси жамоатчилик муҳокамасига қўйилди, деб ёзади Sputnik ахборот агентлиги.
Расмий ҳужжатга кўра, 40 дан ортиқ қўй-эчкилари, уч бош сигир ёки буқаси ва икки бош оти бўлган уй хўжалиги эгалари ҳар йили солиқ тўлаши шарт бўлади:
- бир бош қўй ва эчки учун – 100 сом (1,14 доллар);
- бир бош қорамолга – 250 сом (2,86 доллар);
- бир бош отга – 250 сом (2,86 доллар).
Қирғизистон парламенти аъзоси таъкидлаганидек: “Қишлоқларда турмуш даражаси шаҳардагидан ёмон эмас. Солиқ жорий этилгандан кейин қишлоқларни ўзини ўзи таъминлашга ўтказиш мумкин бўлади”.
У солиқ фақат 40–50 бош қўйи бор қишлоқ аҳолисига тааллуқли бўлмаслигини таъкидлади. Улар фақат яйлов учун пул тўлайди. Янгилик минглаб қўйлари, бир неча ўнлаб сигирлари ва отлари бор қирғизистонликларга таъсир қилади.