Ҳатто энг яхши актёрлар ҳам карьераларининг энг юқори поғонасида туриб муваффақиятсиз ролларга дуч келади. Кимдир учун бу фойдали тажрибага айланса, бошқалар бу даҳшатли тушни унутиши учун бир неча йил танаффус қилишлари керак бўлади.
Жуди Денч, "Мушуклар"
“Мушуклар” мюзиклининг фильмга мослашуви интернетда кенг муҳокама қилинди — барчасига сабаб одам-мушукларни яратиш учун ишлатилган махсус эффектлар. Фильм нафақат харажатларини оқлай олмади, балки IMDb рейтингида 10 дан 2,8 баллга эга бўлди.
Актёрлар таркибида “Оскар” совриндори Жуди Денч ҳам бор эди. Актриса мушук кийимида нафис кўринишга умид қилган, аммо бунинг ўрнига у “қўпол кекса мушук” ка ўхшаб қолган.
Анжелина Жоли, “Умрбоқийлар”
Танқидчилар “Умрбоқийлар” Marvelънинг энг ёмон ижоди деб аташди, уни зерикарли ва сюжет жиҳатидан заиф деб ҳисоблашди.
Жолининг ижроси ҳам эътибордан четда қолмади. Томошабинлар унинг бу ролни танлашини нотўғри деб ҳисоблашди. Сўнгги пайтларда Анжелина ўзини режиссёрликда кўпроқ синаб кўргани учун, эҳтимол, актрисалик маҳоратини йўқотганга ўхшарди.
Жессика Альба, “Maxфий белги”
2000 йилларнинг бошларида актриса жуда машҳур эди. Аммо ўн йилликнинг охирида у хато кетидан хато қила бошлади ва очиқчасига савиясиз фильмларда рол ўйнай бошлади. Бунда Rotten Tomatoes веб-сайтида 0% ижобий шарҳларга эга бўлган “Maxфий белги” драмаси ҳал қилувчи рол ўйнади.
Фильмда иштирок этган кўплаб одамлар фильм учун жавобгар бўлишига қарамай, омадсизлик асосан Альба билан боғлиқ. Ушбу муваффақиятсизликдан сўнг у фильмларда камроқ рол ўйнай бошлади.
Женнифер Лоуренс, “Йўловчилар”
Хонанда Адел дугонаси Женнифер Лоуренсга “Йўловчилар” илмий-фантастик блокбастерида иштирок этмасликни маслаҳат беради. Унинг фикрича, “космик фильмлар янги вампир фильмлар каби” ва улардан қочиш керак.
Маълум бўлишича, Лоуренс Аделга бекорга қулоқ солмаган. Кўплаб танқидчилар фильмнинг асосий муаммоси — бош қаҳрамонлар ўртасидаги муносабатлар эканлигини таъкидлашди. Уларнинг фикрича, ижодкорлар бемаъни ҳикояни безашга ҳаракат қилишган.
Дэниэл Редклифф, “Гарри Поттер ва тилсим шаҳзода”
Актёр ўзини экранда кўришни хоҳламайди. Аммо тилсим шаҳзода унинг учун жуда қийин синов бўлган. Редклиффнинг сўзларига кўра, фильмдаги ижроси бир хил бўлиб қолган, қаҳрамони ҳам жуда такаббур қилиб тасвирланган. Шунинг учун ҳам шу қисм актёрга ёқмайди.
Редклифф “Қақнус ордени”ни ўзининг энг яхши фильми деб ҳисоблайди, чунки у ерда ўз актёрлик маҳоратидан мамнун бўлган.
Эмма Стоун, “Маняк”
“Маняк” мини-сериалининг эпизодларидан бирида Эмма Стоун элф ролини ўйнаши керак эди. Бунгача актриса режиссёр билан суҳбатлашган. Актрисадан тўғридан тўғри у бундай ролга тайёрми, вампир сифатида реенкарнация қилишни хоҳлайдими, деб сўрашган.
Стоун одатда бундай қаҳрамонларни ўйнашни ёмон кўрарди. У ҳатто “Узуклар ҳукмдори” фильмини ҳам томоша қилмаган, чунки у хаёлий оламлардан узоқ. Аммо шунга қарамай, у элф ролига рози бўлади, гарчи бу иш унга завқ бермаса ҳам.
Жейк Жилленхол, “Форс шаҳзодаси”
Форс шаҳзодаси ҳақидаги фильм Кариб денгизи қароқчилари” каби машҳур франшизага айланиши керак эди. Аммо компания кўплаб танқидларга дуч келди. Муваффақиятсиз кастинг, хусусан, бош ролга танланган актёр томошабинларни ғазаблантирди.
Жилленхол қаҳрамонига тўғри келмаганини тан олади, аммо бу муваффақиятсизликни фойдали тажриба деб ҳисоблайди. Деярли 10 йил ўтгач, актёр яна блокбастерда ўйнашга қарор қилди ва янги “Ўргимчак одам”нинг актёрлар таркибига қўшилди.
Изоҳ (0)