Шавкат Мирзиёев рафиқаси билан бирга давлат ташрифи билан Хитойга борди. Бу ҳақда Президент матбуот хизмати хабар берди.
Кўҳна Сиань шаҳрининг халқаро аэропортида икки давлат байроқлари кўтарилган, олий мартабали меҳмонлар шарафига фахрий қоровул саф тортди, миллий қўшиқ ва рақслардан иборат тантанали маросим бўлиб ўтган.
.jpg)
Ўзбекистон етакчисини ХХР маданият ва туризм вазири Ху Хепин, Шэньси музофоти губернатори Чжао Ган ва бошқа расмий шахслар кутиб олган.
.jpg)
Ташриф дастурига мувофиқ, давлат раҳбари 18 май куни Хитой раиси Си Цзиньпин билан музокара ўтказади.
19 май куни Ўзбекистон президенти “Марказий Осиё—Хитой” биринчи саммитида иштирок этади.
.jpg)
Шавкат Мирзиёев 2019 йилда амалий ташриф билан Пекинга борганди. Ўшанда президент ХХР раиси Си Цзиньпин, қатор давлатлар ва халқаро молиявий институтлар, шунингдек, Хитойнинг етакчи компаниялари раҳбарлари билан учрашувлар ўтказган эди.
Изоҳ (0)