Кўчмас мулк нархлари ҳар йили ўсиб бормоқда. Бироқ дунёда уйлар арзимаган пулга, ҳатто текинга бериладиган жойлар мавжуд.

Самбука, Италия

Аҳолиси кам бўлган Италия шаҳар ва қишлоқларида атиги бир еврога кўчмас мулк сотиб олиш мумкин. Бу аҳоли сонини кўпайтириш учун бир таклиф, аммо бундай уйга эгалик қилишнинг шартлари бор.

Самбукадаги бинолар янги эмаслигини тушуниш керак. Шу сабабли ҳукумат янги эгаларига уч йил ичида уйни таъмирлаш мажбуриятини юклайди. Ҳатто кўчмас мулк сотиб олганлар томонидан таъмирлашга сарфланиши керак бўлган маълум бир миқдор ҳам бор — 15 минг евро.

Рубе, Франция

Рубе — мамлакат шимолидаги кичик шаҳарча, Бельгия билан чегарада жойлашган. Бу жой иқтисодий жиҳатдан барқарор ва йилдан йилга ривожланишда давом этмоқда. Расмийлар барча ҳудудларни босқичма-босқич аҳоли билан тўлдириш ва шаҳарга чиройли кўриниш беришни режалаштирмоқда. Улар бунга эскирган биноларни бир еврога сотиб оладиган, кейин эса уларни ўзлари тартибга соладиган янги аҳолини жалб қилиш орқали эришмоқчи.

Самбукада бўлгани каби Рубедаги уйлар ҳам атиги бир евро туради. Бироқ харидор у ерда камида 5 йил яшаш мажбуриятини олиши ва ушбу нархга мулкка эга бўлиш учун барча молиявий кучларини таъмирлашга сарфлаши керак.

Токио, Япония

Токио аҳолиси 13,96 миллион кишини ташкил этади ва бу ерда умуман бўш уйлар йўқдек туюлади. Бироқ ундай эмас. Уларнинг ташқи кўриниши битта ғайриоддий хурофот билан боғлиқ: агар уйда бирон бир муаммо юзага келган бўлса, энди бу уйда яшаш мумкин эмас деб ишонилади. Табиийки, бу тамойилга фақат маҳаллий аҳоли амал қилади, улар баъзан ўз мулкларини тақдир ҳукмига топширадилар.

Чет элликлар бунга ишонмайдилар. Кўпчилик Япония пойтахтига доимий яшаш учун кўчиб ўтишни орзу қилади.

Окутама, Япония

Бахтсиз ҳодиса содир бўлган уйларни тарк этиш керак деган хурофот нафақат Токиода, балки бутун мамлакатда мавжуд. Шунинг учун Окутама қишлоғида бўш мулклар кўп. Яхши табиат ва сайёҳларни ўзига тортадиган сокин танҳо жой айни муддао.

Расмийлар Окутамага ёшларнинг қизиқишини пайқаб, махсус дастур жорий қилган — қишлоқдаги бўш уйларга фақат 43 ёшдан катта бўлмаган одамлар кўчиб ўтишлари мумкин. Бундан ташқари, доимий эгалик қилиш учун уйда камида 22 йил яшашингиз керак.

Buffalo, АҚШ

Шаҳар ҳокимияти махсус Урбан Homestead дастурини ишлаб чиқди. Унинг бир қисми сифатида уйни бир еврога сотиб олиш ҳам мумкин. Талаблар деярли бир хил: янги кўчмас мулкда камида 3 йил яшашингиз керак, шунингдек, уни таъмирлашга сармоя киритишингиз лозим.

Детройт, АҚШ

Рэпер Эминем шу шаҳарда туғилган — ўша пайтда Детройт янги келганлар орасида катта талабга эга эмасди. Кейинчалик у ерда жиноятчилик, банкротлик ва ишсизлик авж олди.

Аҳоли узоқ вақтдан бери шаҳарни сайёҳлар учун гўзал ва жозибали қилиш мумкинлигига ишонишни тўхтатди. Шунинг учун ҳокимият эски уйларни кам пул эвазига беришни бошлади, аммо муаммо шундаки, бу бинолар уйсизлардан бошқа ҳеч кимга керак эмасди. Бундан ташқари, бошқа штатлар ҳам арзон ерларни таклиф қилишарди — у ердаги иқтисодий аҳвол Детройтга қараганда анча яхши эди.

Ливерпуль, Буюк Британия

Статистикага кўра, Ливерпулда камида 200 минг уй ярим йил давомида бўш қолиши мумкин. Уларнинг кўплаб собиқ эгалари 70-, 80- ва 90 йиллардаги ишсизлик даврида мулкни тарк этишган.

Ҳокимият ҳозирда ҳам уйларни бир еврога сотиш орқали шаҳарнинг чеккаларида аҳолини тўлдиришни режалаштирмоқда. Бироқ сотиб олиш қоидалари қатъий: бу ҳаётингиздаги биринчи кўчмас мулк битими бўлиши керак, сиз ҳам фуқароликка эга бўлишингиз ва бинони шаҳар талабларига мувофиқ таъмирлаш мажбуриятини олишингиз лозим.

Кандела, Италия

Баъзида шаҳар ҳокимияти одамларга кўчиб ўтиш учун пул ҳам тўлайди. Масалан, Кандела шаҳрида. Ҳукумат бу ердан уй-жой олганларга 2 минг евро тўлашга тайёр.

Бу пулларни олиш учун Италия фуқароси бўлишингиз ва йилига камида 7.5 минг евро ишлаб топишингиз керак. Яна бир шарт бор: агар шаҳарга оиласиз кўчиб ўтмоқчи бўлсангзи, 2 000 евро ўрнига атиги 800 евро тўланади.