Ўзбекистонда эндиликда темирйўл вокзалларига киришда маълумотлари чиптахоналарда тасдиқланмаган йўловчилар поездларга чиқишига рухсат этилмайди. Бу ҳақда “Ўзтемирйўлйўловчи” АЖ ахборот хизмати хабар берди.
Унга кўра, йўловчилар гуруҳларига чипта расмийлаштиришда, аввал уларнинг маълумотлари келтирилган рўйхат чиптахоналарда тасдиқланган бўлиши лозим. Сайёҳлик тур компаниялари томонидан Вазирлар Маҳкамасининг 2012 йил 13 апрель кунидаги “Ўзбекистон Республикаси темирйўл транспортида йўловчилар, багаж ва юк багаж ташиш қоидалари” тўғрисидаги қарорининг 5-бўлим 41-бандининг бузилиш ҳолатлари кузатилмоқда.
Мазкур бандда “Йўловчини вагонга ўтказганда вагон кузатувчиси чиптани, унда кўздан кечиришдан ўтгани тўғрисида белгининг мавжудлигини, шунингдек, йўловчи шахсини тасдиқловчи ҳужжатни текшириши шарт. Тақдим қилинаётган ҳужжатда фамилияси мос келмаганда, чиптада фамилия йўқлиги ёки ўзгартирилган (тўғриланган)да, шунингдек, кўздан кечиришдан ўтгани тўғрисидаги белги мавжуд бўлмаганда, йўловчининг йўловчи ташиш поездига чиқишига йўл қўйилмасликка ҳақлидирлар”, дея белгиланган.
Изоҳ (0)