Сербиянинг Белград шаҳрида 14 ёшли ўсмир Владислав Рибникар номли бошланғич мактабда отишма содир этди. Бу ҳақда Informer хабар берди.
Журналистларга кўра, еттинчи синф ўқувчиси гиёҳванд моддалар таъсирида бўлган. Ҳодиса тарих дарсида ўқитувчи ўсмирга ёмон баҳо қўйганидан кейин содир бўлган. Ўсмир аввал ўқитувчига қарата ўқ узган, шундан сўнг мактаб йўлагидаги мактаб қоровули ва яна 8 нафар болани отган.
Ўқитувчи бўйнидан олган ўқ жароҳати билан маҳаллий шифохонага ётқизилган. Полиция ўсмирни қўлга олган ва унинг рюкзагида бешта ўқ-дори ва Молотов коктейлини аниқлаган. Маълум бўлишича, у отасига тегишли қуролни уйдан ўғирлаган.
Ижтимоий тармоқда еттинчи синф ўқувчисининг ҳибсга олингани акс этган видео ҳам пайдо бўлган. Офицерлар унга қуролларини ташлаб, қўлини бошига қўйиб, ерга ётишни буюрган.
“Мен психопат бўлганим учун отдим”, — деган ўсмир ҳибсга олиниш пайтида.
Ўқувчиларнинг айтишича, отишма пайтида унинг кўзларида совуққонлик кузатилган. Воқеа жойида тез ёрдам хизмати ва полиция ходимлари ишламоқда. Ҳодисада 16 нафар бола жароҳатланган, бир қанча ўқувчилар оғир аҳволда реанимацияда ётибди.
Изоҳ (0)