Кремлга уюштирилган тунги ҳужум, эҳтимол, қуролланган “маҳаллий қаршилик кучлари” томонидан уюштирилган. Бу ҳақда Украина президенти офиси раҳбари маслаҳатчиси Михаил Подоляк маълум қилди.
“Кремль узра учувчисиз учиш қурилмаларига келсак, ҳаммасини олдиндан айтиш мумкин. Россия кенг миқёсли террорчилик ҳаракатига тайёргарлик кўраётгани аниқ. Шунинг учун дастлаб у Қримда гўёки диверсантларнинг катта гуруҳини ҳибсга олади. Кейин ‘Кремл устидаги дронлар’ни намойиш этади”, — деди Подоляк.
Унинг таъкидлашича, Украина фақат мудофаа уруши олиб бормоқда ва Россия ҳудудидаги объектларга ҳужум қилмаяпти. Подоляк бундай зарбалар “ҳеч қандай ҳарбий муаммони ҳал қилмаслиги”, балки Россияга Украина тинч аҳолисига ҳужумларини оқлашга асос беришини таъкидлади.
“Россиянинг турли ҳудудларида содир бўлаётган воқеаларни қизиқиш билан кузатмоқдамиз. Энергетика объектлари ёки Кремль ҳудудида номаълум дронларнинг пайдо бўлиши маҳаллий қаршилик кучларининг ишларидан далолат беради холос. Ҳаммага маълумки, дронларни исталган ҳарбий дўкондан сотиб олиш мумкин”, — деди маслаҳатчи.
Путин қароргоҳига ҳужум
Украина 3 майга ўтар кечаси Россия президентининг қароргоҳига дронлар билан зарба беришга урингани ҳақида хабар берилди. Иккита дрон Кремлни нишонга олишга қаратилгани, ҳарбийлар ва махсус хизматларнинг ўз вақтида кўрган ҳаракатлари натижасида қурилмалар ишдан чиқарилгани таъкидланди.
Ҳужум оқибатида Путин жабрланмаганини маълум қилинди, Россия президенти ҳодиса пайтида Кремлда бўлмаган. Ҳолат юзасидан Москвада 3 майдан бошлаб дронлар учириш тақиқланди, 9 май паради ўтказилиши режаси эса давом этади.
Украина президенти матбуот котиби муносабати
Зеленскийнинг матбуот котиби Украинанинг Кремлдаги ҳужумга алоқадорлиги ҳақидаги айбловларни рад этди.
“Бизда Кремлга тунги ҳужумлар ҳақида ҳеч қандай маълумот йўқ. Аммо президент Зеленский бир неча бор таъкидлаганидек, Украина барча мавжуд куч ва воситаларни ўз ҳудудларини озод қилишга, бошқаларга ҳужум қилмасликка йўналтиради.
Теракт бу Днепр ва Умандаги кириш йўллари ёки Краматорскдаги темир йўл вокзалидаги ракета отишмаси ва бошқа кўплаб фожиалар оқибатида вайрон бўлган уйлардир”, — дейди Украина президенти матбуот котиби.
Изоҳ (0)