Ўзбекистонлик 19 ёшли футболчи CIES талқинига кўра истиқболли ўйинчилар топ-200 лигидан ўрин олди

Халқаро спорт тадқиқотлари маркази (CIES Football Observatory) жаҳон футболидаги 20 ёшгача бўлган истиқболли ўйинчиларнинг топ-200 лик рўйхатини эълон қилди.

Портал ўнта позициянинг ҳар бирида 20 нафардан энг иқтидорли футболчиларни танлаб олган.

Марказий ҳимоячилар рейтингидан айни вақтда Беларуснинг “Энергетик-БГУ” шарафини ҳимоя қилаётган ўзбекистонлик Абдуқодир Ҳусанов ҳам ўрин олган.

Ҳусанов Беларусь олий дивизионининг жорий мавсумида жамоасининг барча 5 та ўйинида тўлиқ иштирок этди ва битта гол уришга эришди. 19 ёшли футболчи ўтган мавсум лига доирасида 27 та ўйин ўтказиб, 3 гол ва 2 та голли узатмага муаллиф бўлган.

Шунингдек, Абдуқодир Ўзбекистон ёшлар терма жамоаси сафида U-20 Осиё Кубоги—2023 мусобақаси ғолибига айланганди.

CIES талқини бўйича ҳар бир позиция бўйича энг яхшилар:

• Пламен Андреев (“Левски София”, дарвозабон)
• Антониу Сильва (“Бенфика”, марказий ҳимоя)
• Алехандро Балде (“Барселона”, чап қанот ҳимоя)
• Рико Льюис (“Манчестер Сити”, ўнг қанот ҳимоя)
• Артур Вермерен (“Антверпен”, таянч ярим ҳимоя)
• Пабло Гави (“Барселона”, марказий ярим ҳимоя)
• Билол ал-Ханнусс (“Генк”, ҳужумкор ярим ҳимоя)
• Матеус Мартинс (“Уотфорд”, чап қанот вингер)
• Анжело Боржес (“Сантос”, ўнг қанот вингер)
• Маркос Леонардо (“Сантос”, марказий ҳужум).