Украина қарши ҳужумга тайёр эмас, аммо бошқа танлови йўқ — The Times

Украина қуролли кучлари Ғарб иттифоқчилари уларни ўқ-дорилар билан таъминлашга улгурмаганига қарамай, бўлажак қарши ҳужумга тайёргарлик кўрмоқда. Бу ҳақда The Times хабар берди.

Нашрга кўра, Украина расмийлари узоқ вақтдан бери кутилган ва босиб қолинган ҳудудларни қайтариб олишга оптимистик қарамоқда. Бироқ Украина бўлажак қарши ҳужумга тайёр эмас, аммо бошқа танлови йўқ.

Журналистлар Украина қуролли кучлари вакиллари билан алоқада бўлган британиялик ҳарбийлар билан суҳбатлашди. Улар украиналиклар бу масалада жуда жиддий экани ва деоккупацияда катта муваффақиятларга эришишга тайёрланаётганини айтди.

ОАВ хабарларига кўра, АҚШ разведкаси украиналик ҳимоячилар босиб олинган ҳудудларнинг кичик бир қисмини қайтариб олишдан бошқа ҳеч нарсага эриша олмайди, деб ҳисоблайди. Қабул қилинган зирҳли транспорт воситаларига қарамай, Украинада ҳаво ҳужумидан мудофаа тизимлари етарли эмас, шу учун Россия авиацияси устунликка эришиши мумкин.

Украинада баҳор ёки ёзда қарши ҳужумни бошлашдан бошқа иложи йўқлиги айтилмоқда. Пентагон расмийларидан бирига кўра, украиналиклар ўз ҳаракатлари билан аввалроқ ҳам Ғарб иттифоқчилари, ҳам Путинни ҳайратда қолдирган. Бироқ, энди Украина армиясида манёвр қилиш учун жуда кам жой бор ва буни Россия билади.

Катта эҳтимол билан, Украина қуролли кучларининг йирик ҳужуми учун муҳим нишон Мелитопол ёки Донецк бўлиши мумкин. Россия ҳам Украина режасининг мумкин бўлган вариантларидан хабардор ва ўз позициясини фаол равишда мустаҳкамламоқда. Россия ҳарбийлари мудофаа тизимини яратмоқда, уни енгиш осон бўлмайди.

Украинанинг яқинлашиб келаётган ҳужуми олдидаги муаммоли масалалардан бири бу ўқ-дориларни етказиб беришдир. Украина армияси катта тезликда сарфлайдиган снарядлар, ўқлар ёки ракеталарсиз Ғарб катта миқдордаги қуролларни юбориши маъносиз. Украина армияси бир ойда АҚШ бир йилда ишлаб чиқарадиган снарядлардан 155 мм кўпроқ снаряд сарфлайди. Россия ҳам ўқ-дориларни ўзи бардош бера олмайдиган даражада “исроф қилмоқда”.

Нашрнинг қўшимча қилишича, президент Владимир Зеленский иттифоқчиларни қўллаб-қувватлаш мақсадида тадбирни моҳирлик билан бошқарган бўлса-да, Вашингтон энди “инвестицияларнинг қайтишини” кутмоқда.