Россия Европа мамлакатларига илгари етказиб берилган нефтнинг қарийб 20 фоизини Осиёга йўналтирди. Бу ҳақда Россия бош вазири ўринбосари Александр Новакка таяниб “Коммерсант” хабар берди.
Унинг сўзларига кўра, 2022 йил март ойида санкциялар жорий этилганидан сўнг, Россия “бир ярим ой ичида” янги логистика занжирлари ва “дўст” давлатлар, биринчи навбатда, Осиё-Тинч океани минтақаси, Лотин Америкаси ва Африка билан алоқаларни ўрнатди.
“Аввал Европага йўналтирилган энергия ресурслари асосан янги бозорларга йўналтирилди. Агар нефть ҳақида гапирадиган бўлсак, биз Европага илгари етказиб берилган ҳажмларнинг тахминан 20 фоизини Ҳиндистон, Хитой ва бошқа мамлакатлар бозорларига йўналтирдик”, — деди жаноб Новак Билим марафонида.
Унга кўра, нефтга бўлган талаб ва таклифнинг умумий мувозанати ўзгармади.
Газ ҳақида гапирар экан, у етказиб бериш ҳажми қисқарганини таъкидлади.
“Агар газ ҳақида гапирадиган бўлсак, етказиб бериш ҳажмини камайтирдик. Унинг бир қисми ҳам Осиёга йўналтирилди, хусусан, Хитойга етказиб бериш ўтган йили қарийб 50 фоизга ошди”, — деди бош вазир ўринбосари.
Шу билан бирга, Новак Европанинг LNG импортига қарам бўлиб қолганини таъкидлади.
“Россия энергетика саноати ўзининг барқарорлигини исботлади ва биз янги логистика йўналишларини топдик”, — дея хулоса қилди у.
Аввалроқ G7 давлатлари Россия нефти учун аввал жорий этилган нарх чегарасини — баррелига 60 долларни ўзгаришсиз қолдиришга қарор қилгани ҳақида хабар берилган эди.
Изоҳ (0)