Ўзбекистон ва “Газпром” ўртасида 2023 йилда 300 минг тонна нефть етказиб бериш бўйича келишувга эришилган. Бу ҳақда Ўзбекистон Энергетика вазирлиги бош бошқармаси бошлиғи Атҳамжон Убайдуллаэв “ТАСС”га маълум қилди.
“Биз россиялик ҳамкорларимиз билан доимий ишлаймиз, масалан, ‘Газпром нефть’ билан 2023 йилда республикага 300 минг тонна нефть етказиб бериш бўйича келишувга эришилди”, — дейди Убайдуллаев.
Унинг сўзларига кўра, Россиянинг бошқа компаниялари, хусусан, мамлакатда учта ёнилғи қуйиш шохобчасига эга бўлган “Татнефть” билан унинг Ўзбекистондаги фаолиятини кенгайтириш бўйича музокаралар олиб борилмоқда.
Убайдуллаев, шунингдек, Ўзбекистондаги нефть ва газ компанияларининг 30 фоиздан ортиғи Россия капитали иштирокида ташкил этилганини маълум қилган.
“Бугунги кунда республика нефть-газ саноатининг энг йирик инвестори ‘Лукойл’ компанияси бўлиб, маҳсулот тақсимоти бўйича келишув асосида амалга оширилган иккита лойиҳага 10 миллиард доллардан ортиқ сармоя киритган”, — дейди Убайдуллаев.
2022 йилнинг ноябрь ойида Россия президенти Владимир Путин Россия, Қозоғистон ва Ўзбекистон иштирокида уч томонлама газ иттифоқи тузишни таклиф қилганди.
Январь ойи охирида Ўзбекистон ва “Газпром” ўртасида газ соҳасида ҳамкорлик қилиш бўйича йўл харитаси имзоланганди.
Изоҳ (0)