Соғлиқни сақлаш тизимида масъул лавозимларда ишлаган фидойи шифокор, ташкилотчи раҳбар Зафар Расулов 44 ёшида вафот этди. Бу ҳақда ССВ матбуот хизмати хабар берди.
Зафар Расулов 1979 йил 23 октябрда Навоий вилоятида туғилган. 2003 йилда Тошкент давлат тиббиёт институтини тамомлаб, меҳнат фаолиятини Навоий кон-металлургия комбинатига қарашли тиббий санитария қисми терапевти сифатида бошлаган.
2012-2020 йилларда Учқудуқ туман тиббиёт бирлашмасида бош шифокор ўринбосари, бирлашма бошлиғи, Навоий вилоят соғлиқни сақлаш бошқармаси бошлиғининг биринчи ўринбосари, Соғлиқни сақлаш вазирлиги бошқармаси бошлиғи ўринбосари каби масъул лавозимларда ишлаган.
2020-2023 йилларда эса Навоий вилоят соғлиқни сақлаш бошқармаси бошлиғи сифатида самарали меҳнат қилган.
20 апрель куни соғлиқни сақлаш вазирининг тегишли буйруғи билан 31 ёшли Нурали Сафоев Навоий вилояти соғлиқни сақлаш бошқармаси бошлиғи лавозимига тайинланганди. Таъкидлаш керакки, Зафар Расуловдан олдин вилоят ССБга раҳбарлик қилган Фарҳод Гафаров соғлиғи тақозоси сабабли ўз хоҳишига кўра вазифасидан озод этилган эди.
Изоҳ (0)