“Толибон” ҳукумати вакилларининг айтишича, яқин орада Марказий Осиё давлатларини Афғонистон билан боғлайдиган темирйўл лойиҳасининг амалий ишлари бошланади. Бу ҳақда “Дарё”нинг Афғонистондаги мухбири хабар бермоқда.
Ўзбекистон, Афғонистон ва Покистонни ўз ичига олган лойиҳа халқаро савдо йўлларини очиш ва минтақавий алоқаларни кучайтиришга хизмат қилиши кутилмоқда.
2021 йил февраль ойида собиқ иттифоқ республикаларини Кобул орқали Жанубий Осиё билан боғлаш бўйича темирйўл шартномаси имзоланган эди. Ушбу 573 километр узунликдаги йўл харажатлари 5,96 миллиард долларга баҳоланмоқда.
Афғонистон темирйўл бошқармаси (АRA) шу ҳафта бошида Афғонистон орқали ўтадиган йўлнинг бир қисми учун дастлабки тадқиқот ишлари якунланганини эълон қилди.
АRА расмийларининг Кобулдаги матбуот анжуманида айтилишича, тадқиқот Ўзбекистон ва Покистон техник экспертлари билан келишилган ҳолда олиб борилган.
Бу темирйўл линияси Ўзбекистонни Афғонистон шимолидаги Мозори Шариф шаҳри, Кобул ва Покистоннинг Пешовар шаҳри билан боғлайди.
Изоҳ (0)