Ўзбекистон Журналистика ва оммавий коммуникациялар университети ижтимоий тармоқларда тарқалган ОТМ биносининг бирида юзага келган ёриқ видеоси юзасидан расмий баёнот берди.
Қайд этилишича, ушбу 2 сантиметр ёриқ эски ва янги бино орасидаги чок бўлиб, университетнинг янги биносини қуриш вақтида юзага келган. Қурувчилар тилида бу иссиқ ва совуқ таъсирида доимий ҳаракатда бўлувчи икки бино орасидаги чокдир.
“Мутахассислар тилида бу ъТемпературний шовъ дейилади. Бу ҳолатнинг бино чўкишига алоқаси йўқ. Чунки эски ва янги биноларнинг пойдевори ҳам бошқа-бошқа”, — дея таъкидланади баёнотда.
ОТМга кўра, бино деворидаги ёриқ хавфининг даражасини тегишли тартибда ўрганиш мақсадида мутахассислар жалб қилинган.
Қурилиш ва уй-жой коммунал хўжалиги вазирлигининг маълум қилишича, мазкур ҳолат назорат инспекцияси ходимлари томонидан ўрганилмоқда. “Тўлиқ тафсилотлар ҳақида тез орада маълумот берамиз”, — дейилади хабарда.
Аввалроқ Қурилиш ва уй-жой коммунал хўжалиги вазирлиги томонидан Андижон вилоятидаги қурилиш объектларида ўтказилган ўрганишлар давомида қурувчилар лойиҳаларда кўзда тутилган талабларга риоя қилмаётгани аниқланганди.
Изоҳ (0)