Озарбайжон Ташқи ишлар вазирлиги (ТИВ) Эроннинг Бокудаги элчихонаси тўрт нафар ходимини persona non gratа деб эълон қилди. Бу ҳақда вазирлик сайтида хабар берилди.
Дипломатларга 48 соат ичида Озарбайжонни тарк этиш буюрилган. Озарбайжон ТИВ матбуот хизмати ҳайдаш сабабини “дипломатик мақомга тўғри келмайдиган ва Дипломатик муносабатлар тўғрисидаги Вена конвенсиясига зид бўлган фаолият” деб атамоқда.
Эроннинг Бокудаги фавқулодда ва мухтор элчиси Сайид Аббос Мусавий Озарбайжон Ташқи ишлар вазирлигига чақирилган. Учрашувда мезбон томон Теҳроннинг “сўнгги пайтларда қилган провокацион ҳаракатларидан” чуқур норозилигини билдирган.
Изоҳ (0)