Ифторлик дастурхони учун творог қўшиб банан шаклидаги печеньеларни тайёрлаймиз

Творог қўшилган печеньелар нозик таъми билан барчани ўзига ром этади. Уни ўзингизга ёққан кремдан ҳам тайёрласангиз бўлади.

Керакли масаллиқлар:

• ун — 300 г;
• шакар кукуни — 2 ош қошиқ;
• пишириқ кукуни — 1 чой қошиқ;
• туз — ярим чой қошиқ;
• сариёғ — 180 г;
• сметана — 150 г;
• творог — 250 г;
• тухум сариғи — 1 дона;
• ванилин — 1 чой қошиқ;
• шакар — 2 ош қошиқ;
• қора шоколад — 50 г.

Тайёрланиши:

1. Унни шакар кукуни, пишириқ кукуни ва туз билан аралаштиринг. Сариёғни куб шаклида кесиб олинг ва ун қўшиб аралаштириб олинг;
2. Сметана қўшиб юмшоқ хамир ҳосил қилинг. Тўпчалар ҳосил қилиб, пластик ўрамга ўранг ва 30-40 дақиқа давомида музлаткичга қўйинг;
3. Творогни элакдан ўтказиб унга тухум сариғи, ваниллин ва шакар қўшиб аралаштиринг;
4. Печни олдиндан 190 даража ҳароратда қиздиринг. Листни пишириш қоғози билан ёпинг;
5. Хамирни 15-20 та тенг қисмга бўлинг. Ҳар бирини чўзилган овалга айлантиринг. Хамирнинг ўртасига 1-2 чой қошиқ творог қўйинг;
6. Четларини чучвара туггандек қатланг ва босинг. Четларини текислаб о′рта қисмини думалоқ шаклга келтиринг;
7. Хамир учларини босиб, ярим ой шаклидаги хамирни ҳосил қилинг. Шу тарзда бошқа печеньеларни ҳам ясаб олинг;
8. Листга печеньеларни териб чиқинг, уларни қизаргунга қадар 20-30 дақиқа давомида пиширинг, сўнгра тўлиқ совутиб олинг;
9. Қора шоколадни эритинг. Печеньеларнинг бир учини унга ботириб олинг.

Ёқимли иштаҳа!