“Мумиё” фильми экранларга чиққанига 24 йил бўлди. Кино трилогиясидаги актёр ва актрисалар қарийб чорак асрдан кейин қандай ўзгаргани, ҳозир нима билан шуғулланаётгани билан қизиқдик.
Рейчел Вайс
“Мумиё” франшизаси туфайли Рейчел Вайс 29 ёшида оламшумул шуҳрат қозонди. У кутубхоначи ва Рикнинг келажакдаги севгиси Эвелин Карнаханни ўйнади. Ўшандан бери унинг актриса сифатидаги карьераси юқорилади. “Маъшуқа” тарихий фильмидаги сўнгги ролларидан бири учун Рейчел BAFTA мукофотига сазовор бўлди. Шунингдек, 49 ёшида у Marvel суперқаҳрамони ҳақидаги “Қора бева” фильмида айғоқчи ролини ўйнади.
Брендан Фрэйзер
Фильм трилогиясидаги Рик ЎКоннелл роли Брендан Фрэйзерга дунё миқёсида шуҳрат келтирди. Актёр жангари ва комедиялардан ташқари, танқидчилар томонидан ижобий қабул қилинган фильмларда драматик ролларни ўйнашга интилган. 2000 йилларнинг охиридан 2010 йилларнинг ўрталаригача Бренданнинг соғлиғи билан боғлиқ муаммолар бор эди, бу эса унинг актёрлик фаолиятини тўлиқ давом эттиришига тўсқинлик қилди. Аммо яқинда актёр катта экранга қайтди ва ўзининг биринчи “Оскар”ини олди.
Арнолд Вослу
37 ёшида Арнолд Вослу севги учун ҳар қандай қурбонликка тайёр, ёрқин антагонист Имхотеп сифатида экранда пайдо бўлди. Актёр кўпинча ёвуз одамларни ўйнаган видеоўйин қаҳрамонининг прототипи эди. У ўз ватани — Жанубий Африкада ҳам машҳур. У ерда “Қонли олмос” ва “Силвертондаги қамал” каби фильмларда суратга тушган. Охирги фильми 2022 йилда, Арнолд 60 ёшга тўлганида чиқди.
Жон Ханна
Жон Ханна Эвелиннинг бепарво укаси Жонатан Карнахан ролини ижро этади. Актёр кўпинча фильм ва телекўрсатувларда иккинчи даражали ролларни ўйнайди. У яқинда “Биримиз” фильмида эпидемиолог сифатида пайдо бўлди.
Кевин ЎКоннор
Кевин ЎКоннор Имхотепнинг қўрқоқ ёрдамчиси Бенни Габор ролини ўйнаган. Актёрга шон-шуҳратни “Хаёллар ҳукмдори”, “Ван Хелсинг” фильмларидаги роллар ҳам олиб келди. У режиссёрлар Стивен Соммерс ва Пол Томас Андерсоннинг севимлиси бўлиб, улар Кевинни ўз фильмларига тез-тез таклиф қилишади.
Дуэйн Жонсон
Қоя лақабли собиқ курашчи “Мумиё қайтмоқда” фильм трилогиясининг 2-қисмида Чаёнлар қироли ролини ўйнайди. “Чаёнлар қироли” приквелида у биринчи бош роли учун рекорд даражада юқори гонорар олган. Ҳозир Дуэйн Жонсон дунёдаги энг кўп гонорар олувчи актёрлардан бири ҳисобланади.
Жонатан Хайд
Жонатан Хайдни “Титаник” ва “Жуманжи” фильмларидаги ролларидан ҳам эслашингиз мумкин. Сўнгги пайтларда актёр анимацион фильмларга овоз бермоқда.
Эрик Авари
Асли келиб чиқиши ҳинд бўлган актёр Эрик Авари кўплаб роллар ўйнаган, жумладан, “Юлдузли дарвоза”, “Каллакесар”, “Маймунлар сайёраси” фильмларида. Ҳар доим экзотик кўриниши билан у 24 дан ортиқ миллат қаҳрамонларини экранда жонлантирган.
Изоҳ (0)